1081

Nace Urraca, filla da segunda esposa de Alfonso VI; críase en Palencia co seu aio Pedro Ansúrez. Aos seis anos é prometida en matrimonio a Raimundo de Borgoña.

1091

Urraca casa con 10 anos con Raimundo de Borgoña e se lles concede o condado de Galicia.

1093

Nace Sancho Alfónsez, medio irmán de Urraca. Esto provoca que Urraca xa non sexa a primeira na liña de sucesión do seu pai Alfonso VI.

1095

Nace Sancha Raimúndez, filla de Urraca e de Raimundo de Borgoña.

1105

Nace Alfonso Raimúndez fillo de Urraca e de Raimundo de Borgoña en Caldas de Reis. Críase en Galicia no seo da familia dos Traba, o neno será o futuro rei Alfonso VII.

1107

Vítima dunha doenza, morre Raimundo de Borgoña, esposo de Urraca que quedará viuva durante case dous anos.

1108

Morre Sancho Alfónsez, medio irmán de Urraca, con 15 anos. Urraca volve ser a herdeira de Alfonso VI.

1109

Alfonso VI, pai de Urraca, convoca unha corte en Toledo para recoñecer a súa filla, coroala e casala. En Xullo morre o rei, en outono casan Urraca e Alfonso I, rei de Aragón, a nobreza acomodase á nova situación sen entusiasmo.

Pola súa parte a nobreza galega, incluído o Conde de Traba, proclama rei a Alfonso Raimúndez na Catedral de Santiago, comezan as revoltas.

1110

Alfonso I conquista Zaragoza en posesión dos almorábides e vence aos rebeldes galegos en Monterroso no Castelo das Penas. A raiña tenta separarse de Alfonso I e busca apoios entre os bispos. O Papa apoia a separación.

Alfonso I é requerido en Aragón trala recuperación de Zaragoza polos almorábides. Urraca marcha tamén á cidade, non se sabe se para enfrentalo ou apoialo.

A raiña recaba o poder do episcopado buscando anular o seu matrimonio. Tamén ten o apoio do Conde Gómez González, o seu amante. Alfonso I conta co apoio dunha parte da nobreza e das cidades do Camiño de Santiago. Por iso, Alfonso ataca aos bispos de Burgos, León, Palencia, Toledo e Sahagún.

1111

Urraca é confinada no castelo de El Castellar de Zaragoza e Alfonso I arrasa Castela e León. Primeira revolta de Sahagún.

Urraca pacta cos partidarios galegos do seu fillo, que con seis anos é coroado rei de Galicia.

Batalla de Candespina que enfronta a Alfonso I contra os partidarios de Urraca, nela falece Gómez González, amante da raíña.

1112

Constantes enfrontamentos e reconciliacións entre Urraca e Alfonso I. O matrimonio queda disolto e o reino partido: Galicia con Xelmírez e Traba; Castela e Toledo en mans de Alfonso I; León, Asturias en mans de Urraca.

1114

Alfonso I desiste da súa pretensión ao trono de León-Galicia e repudia a Urraca, disolución do matrimonio que levaba anulado polo Papa dende 1112

1115

Continuan os enfrontamentos. Rebelión de Xelmírez e os Traba en Galicia coa intención de facer un reino independente. Urraca viaxa a Santiago para sacar ao seu fillo da influencia galega.

1117

Tensións da burguesía de Santiago contra Xelmírez. Urraca media entre as partes pero finalmente apoia ao bispo. Esto provoca unha revolta que asedia a Xelmírez e a Urraca na Catedral. A raíña e capturada e vexada polo pobo.

1118

Urraca e o seu fillo firman o Pacto do Tambre no que a raíña recoñece que Alfonso Raimúndez é o único herdeiro de Castela e León.

1120

Xelmírez convértese en Arcebispo. Urraca enfróntase ao Conde de Traba.

1121

Pacto cos Traba e enfrentamento de Alfonso Raimúndez, Xelmírez e Urraca contra Teresa de Portugal, medio irmá de Urraca con pretensións ao trono de Galicia e León, que finalmente recoñece a Urraca como raíña. O clero apoia un reino en mans do fillo de Urraca, Alfonso Raimúndez

1126

Falece Urraca en Saldaña, Palencia. Alfonso VII convértese en rei de Castela e León.